Illustration by: David Agcaoili
Once upon a time sa isang faraway land, meron isang Witch na nakatira sa loob ng isang cave. Meron siyang isang malaking pot kung saan siya nagluluto at paminsan minsan ay nagsa-sight-seeing ng pinakamagandang mga babae sa lupa (dahil di pa uso ang FHM noon). Hindi dahil tibo siya kundi dahil pinapatay niya ang mga magagandang babae dahil sa sobrang inggit.
Dati rin siyang isang magandang babae pero dahil sa isang sumpa na feeling niya di niya dinedeserve ay naging bitter siya.
One day, natripan niyang magtanong sa malaki at mahiwaga niyang palayok na puro usok ang lumalabas pero wala namang nilulutong nilaga.
Witch: “Palayok, palayok, sino na ang pinakamagandang babae ngayon sa balat ng lupa?” (matining na boses)
Palayok: “Si Reyna Estrella, mahal na mangkukulam.”
Witch: “Anoooo?! Sino naman siya!? Patingin ako ng picture!”
At pinakita ng palayok ang itsura ng napakandang reyna.
Witch: “Hindi maaari ito! Kailangan ako lang ang maganda sa lupang ito! Kailangan makagawa ako ng paraan para mawala siya!”
Agad ay nag-isip siya ng mga potion na pwedeng gamitin para mapatay niya si Reyna Estrella. Ilang oras siyang nagconcentrate sa paggawa ng mga potion at saka lang sinabi ni Palayok na:
“Boss, hindi niyo po siya pwedeng patayin. May suot siyang kwintas na pangontra sa kamatayan hanggat hindi pa tinatakda ng panahon.”
Witch: “Ow? Eh bakit mo ngayon lang sinabi to?!”
Palayok: “Sorry.”
Witch: “Ano na gagawin natin?!”
Palayok: “Pwede niyo po siyang i-curse. Isumpa niyo po na yung unang anak niyang lalaki ay magiging baboy pagdating ng first birthday niya.”
Witch: “Ganoon? Yun lang? Pero siya parin ang pinakamaganda?”
Palayok: “Uh, oo. Pero antayin niyo nalang siyang tumanda, papangit din yun.”
Witch: “Pero gusto ko ako lang ang maganda!”
Palayok: “Hindi niyo po siya pwedeng patayin kamahalan, kasi pag sinubukan niyo siyang patayin at suot-suot niya ang kwintas, kayo po ang mamamatay. Gets??”
Witch: “Fine. Aha! Kung kunin ko kaya sa kanya yung kwintas at saka ko siya patayin?”
Palayok: “Napaka smart niyo po.”
Witch: “I know, right?”
So umisip ng paraan itong si ugly witch kung paano niya makukuha yung kwintas ni Reyna Estrella.
Plan A: Kunin ang kwintas habang natutulog si Reyna Estrella.
Isang gabi habang tulog ang reyna ay pumasok siya sa kwarto nito ng walang ka-sound sound. Sinigurado niyang di magigising si Reyna Estrella. Dahan-dahan siyang lumapit sa kama neto. Dahan-dahan niyang inaabot ang kwintas ng biglang may umakyat na itim na pusa! Takot siya sa itim na pusa kasi may allergies siya dito pag tiningnan siya neto sa mata. At ganun nga ang nangyari. Di na nga niya nakuha ang kwintas, nagmukha pa siyang pantal.
… FAIL …
Plan B: Kunin ang kwintas habang naliligo siya hoping na tatanggalin niya ito.
So the next day, nagsneak-in na naman siya and this time sa banyo hoping na tanggalin nga yung kwintas. But no. Suot-suot pala niya ito kahit naliligo siya. Hindi na nga niya nakuha ang kwintas, nainggit pa siya kaseksihan ng reynang ito.
… FAIL …
Plan C: Kunin ang kwintas in public.
Day 3. Nagpanggap siyang magnanakaw na pulubi na mangssnatch ng kwintas ng reyna habang namamasyal sa park. Pero nung nakita niya ang reyna, sakay ito sa isang karowahe at andaming body guards! Sinubukan parin niyang habulin. Tumakbo siya pero dahil mahaba yung suot niyang black dress ay naapakan ang dulo nito ng ibang tao at natalisod siya. Sumubsob sa putikan. Bad trip. Hassle. Di na nga nakuha ang kwintas, kelangan pa niya ngayon maligo. Bad trip talaga siya.
… FAIL …
Witch: “Argh! Ano bang gagawin ko?!”
Palayok: “Isumpa mo nalang siya kasi.”
Witch: “Okay sige! Sinusumpa ko, ang unang anak niyang lalaki ay magiging isang baboy pag dating ng unang kaarawan niya! Happy birthday talaga! Bwahahaha!”
————————————————————————————————————————————————-
Meanwhile, habang natutulog si Reyna Estrella ay nagkaroon siya ng isang matinding bangungot. Isang malupit! Nagising siyang hinihingal at pinagpapawisan at naiiyak.
Hari (extra lang sa kwentong ito): “Anong nangyari mahal ko?”
Reyna Estrella: “Napanaginipan kong mayroong isang Witch na sumumpa sakin ang sabi, ang una nating magiging anak na lalaki ay magiging baboy pagdating ng unang kaarawan niya! At tumatawa pa siya! Ang sabi niya Happy Birthday talaga!”
Niyakap ng Machong hari ang reyna at kinomfort ito at sabi:
“Magpahinga kana’t matulog. Bukas na bukas ay ipapahanap natin lahat ng mga mangkukulam dito at sisiguraduhin kong walang ni sino mang susumpa sayo.”
At yumakap ang reyna sa napakamachong katawan ng hari.
Kinabukasan ay pinatawag ng hari lahat ng witch sa kanilang lugar at sa tulong ng isang mabait na witch ay nalaman nilang totoo nga ang sumpa sa panaginip ni Reyna Estrella. In fact, nagdadalang-tao na pala itong si Reyna Estrella, at sa isang baby boy pa.
Mabait na witch: “Wala na tayong magagawa, nagawa na ang sumpa.”
Umiyak ang Reyna. Pinatapon sa isang dungeon ang kalabang witch at dun ay kinulong at eventually ay pinakain sa mga leon sa loob ng dungeon na yun.
Lumipas ang mga araw at buwan at nagsilang ng sobrang cute na baby boy si Reyna Estrella. Lumipas pa ang mga araw at buwan at finally ang first birthday ng baby boy.
At saktong 12 AM, habang mahimbing na natutulog ang ating bidang baby ay nagliwanag ang buong kwarto niya. Siya ay naging isang baboy na cute na may buntot na rainbow na nagssparkle sa dulo.
————————————————————————————————————————————————-
Kinabukasan ay nakita ni Reyna Estrella ang anak niya. Kahit sobrang cute na baboy ito at nakakamangha dahil sa buntot niyang rainbow na Umiyak silang mag-asawa sa sobrang lungkot. Naisipan ng hari na ipadala ang anak sa malayong lugar kung saan walang ibang taong makakakita sa kanya. Isang malaking secret ito. Pero tumanggi si Reyna Estrella sa sobrang pagmamahal niya sa anak niya. Naniniwala siyang mawawala parin ang sumpa.
Nagdaan ang mga araw, buwan at taon. Limang taon na si Julian (yung baby) at isa parin siyang baboy. Pero isa siyang napakasayahing baboy na natutuwa sa lahat ng bagay. Walang may gustong makipaglaro sa kanya dahil sa itsura niya. Sabi pa nga ng isang batang konyong anak rin ng isa pang hari sa lugar nila:
“Julian, you’re so gay with that sparkling rainbow.”
Napagkamalan pa tuloy siyang bading. Pero hindi siya gay. Pero umiiyak siya lagi dahil sa mga panlalait nila.
Isang araw, binisita si Julian ng mabait na witch. Dinalhan siya ng apples! Habang kumakain sila ay kwinento ng mabait na witch kung ano ang nangyari sa kanya at kung bakit siya hindi siya pangkaraniwang bata. At ang totoo nito, kaya rin binisita ng mabait na witch itong si Julian ay dahil may good news siya para sa kanya.
Good witch: “Alam ko na kung paano ko matatanggal ang sumpa sayo!”
Julian: “Talaga po? Paano?”
Good witch: “May pupuntahan tayong wishing room kung saan ang sahig nito ay checkered black and white. Kailangan mong humakbang ng apat na beses at maka-skip ng tatlong squares para magkatotoo ang kahilingan mo.”
Napaisip si Julian. Bakit tatlong squares? Gaano kalaki ang squares? Kaya ko kaya yun? Saan naman tong kwartong to?
Good witch: “Alam ko ang iniisip mo. Iniisip mo kung bakit kailangang tatlong squares at kung gaano kalaki ang mga ito at kung kaya mo kayang gawin yun at kung nasaan ang kwartong tinutukoy ko. Tama ako diba?”
Julian: “Opo. Ang galing niyo naman.”
Good witch: “Witch ako e. Kailangan mong kayanin. Try and try until you succeed ika nga. Kung hindi, di matutupad ang pangarap mo. Tatlong beses lang ang chance mo or else hindi kana makakahiling kahit kailanman. Ang kwartong ito ay nasa ibang dimension ng mundo natin at pupuntahan natin ito. Kung gusto mo ngayon na!”
Julian: “Sige po!”
So naglakbay sila sa kalawakan, lumipad ng nakataas lang ang mga kamay sa ere at nakangiti pa habang tinitingnan ang buong paligid, parang nagsasight-seeing lang.
Nang makarating sila sa kwartong sinasabi ng mabait na mangkukulam ay napahinto muna si Julian. Kinakabahan siya.
Good witch: “Wag kang kabahan. Think happy thoughts!”
Julian: “Apples! Donuts! Si Mama at Papa. :) “
Good witch: “O sige, humakbang ka ng apat na beses at sa huli mong hakbang ay dapat malampasan mo ang tatlong squares sabay isigaw mo ang wish mo sa isip mo lang.”
Ganoon nga ang ginawa ni Julian.
First try. FAIL.
Second try. FAIL parin. Kinakabahan na siya. Isang chance nalang. Para kay Mama at Papa, bulong niya sa sarili niya.
Hakbaaaaang! Sa sobrang concentration niya, nalampasan niya ang tatlong squares sa sahig at nakita niya ang buntot niyang rainbow na may sparkles sa dulo na pumagaspas at lumipad saglit ng limang segundo. WISH!!
Lumapag siya sa sahig na para bang may naramdamang isang matinding hope sa katawan at pumikit. Pagdilat niya, nakita niyang lumuluha at nakangiti ang mabait na witch.
Hindi nagbalik anyo si Julian bilang tao pero nasa tabi na niya ang kanyang mga magulang na matagal ng namatay dahil sa isa na namang sumpa na ginawa ng ugly witch bago siya pinakain sa mga leon. Hiniling nyang sana mabuhay sila ulit at makasama niya habang buhay kahit ang ibig sabihin nun ay hindi na siya magiging isang normal na tao kahit kailan.
Reyna Estrella: “Julian, ikaw ang pinakamagandang nangyari sa buong buhay namin. Napakabusilak ng iyong puso, anak.”
Tumulo ang luha ni Reyna Estrella at nahulog ito sa nagssparkle na buntot ni Julian. Lumiwanag ang buong kwarto.
Ilang saglit lang ay unti-unting nagpalit ang anyo ni Julian. Laking gulat ng tatlo kung paano nangyari yun. Hindi na nila tinanong pa kung paano nangyari ang isang napakamalaking himala. Naglakbay sila at umuwi na sa kanilang palasyo at doon ay magkakasamang naglive happy ever after.
